2025 жылғы 2 қыркүйекте «Тоқсан би орта мектебі» КММ-де патриоттық сана-сезімді қалыптастыру, елдің болашағындағы жеке рөлін түсіну, «Адал азамат» тәрбие бағдарламасының құндылықтарымен және олардың өмірдегі маңыздылығымен танысу, сынып ұжымдарын біріктіру және білім алушыларды табысты оқуға ынталандыру мақсатында «Менің Отаным - Қазақстан» дәстүрлі сынып сағаттары өткізілді.
Оқушылардың денсаулығын сақтау және нығайту, қозғалыс белсенділігінің жеткіліксіздігінің алдын алу және олардың оқу уәждемесін арттыру, жағымды эмоциялық атмосфера жасау, сондай-ақ дене шынықтыру мұғалімінің, аға тәлімгердің, сынып жетекшілерінің басшылығымен салауатты өмір салтының тұрақты дағдыларын қалыптастыру мақсатында мектептегі сауықтыру жобасын іске асыру шеңберінде «Тоқсан би орта мектебі» КММ оқушылары музыкалық сүйемелдеу арқылы дене жаттығуларын орындады.
«Мектепке жол» акциясы аясында ағымдағы жылдың 25 тамызында жаңа оқу жылы қарсаңында Ғабит Мүсірепов атындағы аудандық мәслихат депутаты Д.Т.Елжанов «Тоқсан би орта мектебі» КММ-нің 5 оқушысын мектепке дайындауға екі көп балалы отбасына қаржылай көмек көрсетті.
Еңбекке және экологиялық тәрбиелеу мақсатында мектеп жанындағы учаскеде, ауылдың балалар алаңында оқушылардың жұмысы ұйымдастырылды. Бұл балаларды өзінің және басқалардың еңбегін бағалауға үйретеді, қоршаған ортаға ұқыпты қарауды қалыптастыруға ықпал етеді, жауапкершілікті, командада жұмыс істей білуді тәрбиелейді.
Балалардың жол-көлік жарақаттануының алдын алу мақсатында мектеп жанындағы алаңда «ЖҚЕ-нің үздік білгіші» қызықты ойыны өткізілді. Балалар маңызды ережелерді еске алып, сауатты жаяу жүргінші болу керектігін көрсетті.
Ағымдағы жылдың 2 шілдесінде мектеп жанындағы жазғы алаңда балалардың денсаулығына қамқорлық көрсету және күн күйігінің алдын алу мақсатында «Күн күйігінен қалай сақтану керек» атты денсаулық минуты өткізілді.
2025 жылғы 27 маусымда мектеп жанындағы жазғы алаңда балалардың денсаулығын нығайту, қозғалыс белсенділігін дамыту үшін таза ауада қозғалыс ойындары өткізілді. Өз өмірі мен денсаулығына жауапкершілік пен сақтық сезімін дамыту мақсатында «Улы өсімдіктер, жидектер мен саңырауқұлақтар» викторинасы өткізілді.
