Украинаның мұқтаж азаматтарына Қазақстаннан гуманитарлық көмектің тағы бір партиясы жөнелтілді
Бүгін Қазақстан Республикасының Төтенше жағдайлар министрлігі Алматыдан Польшаның Катовице қаласына Украина азаматтарына гуманитарлық көмектің кезекті партиясын жеткізуге арнайы рейс ұйымдастырды.
17,5 тонна жүктің ішінде азық-түлік, төсек-орын сынды бірінші қажеттілік бар. Бұған дейін Қазақстан 28,2 тонна 17 түрлі дәрі-дәрмек – антибиотиктер, қабынуға, жөтелге және гипертонияға қарсы препараттар түріндегі гуманитарлық көмек жіберген болатын.
Бұл көмек Украина тарапының үндеуінің негізінде Мемлекет басшысының бұған дейінгі тапсырмасына сәйкес жіберілді.
